Ang Amag

Ang amag ay nakikita sa mga pagkaing expired na at medyo nabubulok at bulok na talaga. Buti nlng hindi inaamag ang blogs kasi kung inaamag ito, malamang gabundok na ang amag sa harapan ng monitor natin.

Kung may virtual friend, natural meron ding virtual amag. Kumbaga e lahat ng imposible pwedeng maging posible. Siguro kung ang blog na ito ay isang spanish bread sa totoong buhay kulay green na ang kulay at parang me dandelion sa ibabaw green nga lang.

Parang kadiri kaya kunwari isang lumang tabloid na lang na inaalikabok at naninilaw. Pagpagin na lang ang alikabok at irecycle. Presto! pwede na ulit sulatan ng mga walang kwentang bagay!

Sana lang wag ulit siya alikabukin.. hihi. Baka sa smokey mountain ko na ito mapulot.

I Love You

I love you.

Yan marahil ang mga salitang hinihintay mong marinig mula sa akin, simple pero masarap pakinggan lalo na kung hindi mo pa ito naririnig sa taong gusto mong magsabi nito sayo, gaya ko. Ilang taon din akong nawalay, nagkaroon ako ng sariling mundong malayo sa iyo, ikaw sa probinsiya at ako dito sa manila. Kung tutuusin madali lang solusyunan ang layo natin pwede akong sumulat pero hindi ko nagawa nakakatamad kasi, wala kang linya ng telepono kaya kailangan ikaw pa ang tumawag sa akin sa RCPI pero alam kong hindi pwede. Nang mauso ang text, ilang taon din bago ka namulat sa teknolohiyang ito, pwede na tayong maging textmates. Tinetext kita para kumustahin at alamin kung ok ka, hanggang sa kinatamaran kong gawin iyon at umasa na lang sa mga pangungumusta mo at pagkukuwento ng mga bagay tungkol sa inyo diyan sa probinsya.

Gaya ng dati, kapag nagbabakasyon ako masaya tayo pero minsan nangangati palagi ang mga paa kong bumalik agad ng manila, ayaw kitang lingunin kapag paalis na yung tricycle matapos kong halikan ang pisngi mo, ayoko kasing makita kang umiiyak na naman. Ilang taon din yun, kapag aalis ako iiyak ka kaya pati ako napapaiyak din, grabe hindi na tayo nasanay sa eksenang ganun.

Dalawang taon ang nakakaraan, naalala ko pa nung minsang tinext mo ang kaibigan ko dahil nakakalimutan kong magreply sa iyo, kinumusta mo ako sa kanya at palagay naman ang loob mo na nasa mabuti akong kalagayan dahil may tiwala ka sa sinabi niya tungkol sa akin, nang nalaman ko iyon naalala kita bigla at kinumusta.Nang panatag ka nang ok ako, nag-goodnight ka at sinabihan ako ng i love you. Nagulat ako sa nabasa ko, alam kong mahal mo ako pero hindi ka ganun, hindi mo sinasatinig ang mga katagang iyon, hindi ko na matandaan kung nagsabi ba ako ng i love you too, pero sana alam mo din na yun din ang nararamdaman ko para sa iyo, gaya mo hirap din akong sabihin sa iyo ang mga salitang iyon. Kinabukasan noon, nalaman ko sa kaibigan ko na sinabi mo din pala iyong mga salitang iyon sa kanya bilang kaibigan ko, minahal mo na din siya.

Marami akong bagay na pinanghihinayangan sa ating dalawa. Sa mga panahong dapat naipadama ko sa iyo kung paano ako magmahal at kung paano ako mag-alaga, wala ako. Hindi sapat ang mga bakasyon para maipakita ko sa iyo na napakaimportante mo sa akin.

Mahigit isang taon na nung huli tayong magkita, bagong taon yun 2005. Nagluto ako ng mga handa para magkakasama natin salubungin ang bagong taon, ikaw, ako, si papa at si kuya. Masaya tayong dalawa habang nagpipicture tayo sa bagong bili kong digicam, may solo shot ka at ako din siyempre tsaka meron din tayong picture magkasama, close-up pa nga yun e at ang saya-saya natin tingnan doon.

Meron lang akong napansin sa litratong iyon, anlaki ng pinagbago mo at anlaki din ng pinagbago ko. Ang dating kutis ko nag-iba na, hindi na ako negra katulad noong sa probinsya pa ako nakatira. Ang mga ngiti mo hindi na katulad ng dati na bunga lang ng mga salitang "say cheese", tila hirap pero maaliwalas ang mga ngiting iyon at napakasaya kung tititigan mo, siguro dahil kasama mo ako. Napansin ko na lumalago na ang puting buhok mo at ang dating tapang sa mukha mo ay napalitan na ng kaba at paghahangad ng pagmamahal, pagmamahal mula sa isang anak na katulad ko.

Ngayon sasabihin ko sa iyo, Mahal na Mahal kita. Paulit-ulit kong binigkas ang mga katagang iyan sa harap mo, sa loob ng ilang araw at gabing kapiling mo ako at ang mga taong nagmamahal sa iyo. Hindi ko alam kung sinagot mong mahal na mahal mo din ako, dahil payapa kang nakapikit habang nakahiga sa bago mong kama.

Sana masaya ka palagi kapag sinasabi kong I Love You. Gaya ngayon...

The effects of boredom

*grin*

Eversince i started working at home as a full time freelancer, boredom is now on top 1 spot of all the words bugging on my head everyday + a deeeeep *sigh*. I wonder if that would lead me to insanity? hope not, I am finding ways to cope up with that not-awesome-word (boredom),though.

I waved hello to the world at 12:00 pm PH time,grabbed some food on the fridge, opened my pc, checked my email, some cool news about desperate housewives (my new addiction), do some of the projects, take a bath, take a nap then what? do the same thing all over again... then sleep! boredom is arising.

(background music)ohhhhh lalalalaaaaah

Oh yeah, then an angel whispered update your blog...... sleepyhead!bwahaha! (i thought that was an angel ). So i did, i opened my blogger account, read all of my posts, ambabaw ko pala haha. Then I came up with the idea of writing what i am feeling right now, this is the end product, this post, boredom *sigh*.

wow, ambabaw talaga. haha

Paano ba?

Minsan na akong tinanong ng kaibigan ko kung mataba na daw ba siya sobra, sabi ko "tama lang bagay naman sayo katawan mo e" sabi ko. Pero syempre hindi pa din siya tumigil sa pagseself-pity niya. Habang nakasakay sa jeep byaheng cubao-divisoria, nakita ko ang isang lalaking nakatayo sa may ilalim ng LRT habang traffic. Then the bell rings! *tinginingining* parang mala hello! ka ernie serye sa radyo ang sumunod na lumaro sa isip ko.

Dear ate apple,
Feeling ko po mataba na ako pero sabi ng mga kaibigan ko, sexy pa din daw ako. paano ko po ba malalaman na mataba na ako?

labyu,
sheira of qc
-------------------
Dear sheira of qc,
Kumusta naman ang diet mo? Baka hindi mo napapansin na nakatatlong bandehado ka na pala ng kanin at tatlong order ng ulam dahil busy ka kakadaldal habang kumakain ka. Siguro nasasabi ng kaibigan mo na sexy ka pa din dahil pinauutang mo siya palagi o kaya naman ayaw niyang masaktan ang kalooban mo, pero its good to know na concious ka sa health mo (eherm). Naisip kong bigyan ka ng konting tips kung paano mo malalaman na tumataba ka na o mataba ka na nga.

Una, Tiyan, yan ang pinakaunang lumalaki kapag tumataba ang tao. Kung nagkakasya pa din sayo ang mga pants mo, stretchable ang binili mo kaya hindi masyadong malaki ang problema mo sa una. Kung tanga ka pa din at di mo maamin sa sarili mo na malaki na ang tiyan mo, subukan mong tumayo ng diretso, relax ka lang, wag pigilin ang hininga at wag iipitin ang tiyan. Silipin mo ang paa mo, kapag mga daliri na lang ang nakikita mo kailangan mo ng mag-gym at magdiet.

Pangalawa, Braso, kasunod ng tiyan, yan ang sunod na lolobo. Kung araw-araw mo nakikita sa salamin ang katawan mo hindi mo agad mapapansin ang pagtaba mo. Ang gagawin mo, umupo ka sa isang malambot na sofa tapos yakapin mo ang sarili mo, natatakpan dapat ng braso mo ang dibdib mo, kung hindi umabot sa may singit ng kilikili mo ang mga kamay mo, yung tipong nakasuksok sa pagitan ng braso at katawan mo yung kamay mo, naku day! mag-taebo ka na. :)

Next question pls...

______________________________________
p.s. condolence to the family of the late mr. ernie baron, upon hearing the news about it i felt sad sa totoo lang medyo teary eyed ako nung nakita ko yun sa tv, nakalakihan ko na kasi si ka ernie. ang nasabi ko na lang "ka ernie, send my hellos to my mother..."

Bakit Grin ang Apol?

Bakit nga ba applegrin? ano ba ang kulay ng utot?

Eto na naman ang pinakabagong kabanata, ang pagbabalik ng nakangising mansanas. Ewan ko ba kung bakit yan ang naisip kong gawing title ng blog na ito, siguro dahil walang sense naman ang mga nakasulat dito, eh di ang title wala ding malalim na kahulugan. Sa totoo lang, wala naman talagang napakalalim na ibig sabihin ang apple grin, para rin itong bluetooth na sabi nila ay ipinangalan ng inventor ng bluetooth technology mula kay Harold 1 of Denmark na kilala din sa pangalang King Harald Blatant o Bluetooth, bakit siya binansagang bluetooth? kasi daw mahilig siya kumain ng blueberries kaya blue yung teeth niya, weee natanong na rin yan sa "Pilipinas Game KNB?" May tama ka! ang apple grin naman ay nanggaling sa green apple na kinain ko habang gumagawa ng bagong blog, napangisi ako at tinayp ko sa blogger ang applegrin, hindi green ang ngipin ko ha.

may old joke ako:
ano kulay ng utot kapag babae?
PINK
ano kulay ng utot kapag lalake?
BLUE
ano kulay ng utot kapag busog?
(bilisan ang pagbigkas, pagalit!) BLACK!

How would you know if it's a blog spam or not?

Paano nga ba? isang madaliang pagpuna lang ang aking gagawin dahil kailangan ko makaalis na befor 6 pm today. Ang katotohanan sa blogging ay marahil hindi maintindihan ng iba, may mga nangangarap na maging writer at ma-publish ng libre ang gawa nila, hindi lang sa pinas kundi sa buong mundo kaya nga world wide web di ba? oh sha! sige na. Balik sa isyu, yung iba naman wala lang magawa kaya ginagawang diary ang blogs, yung iba naman naghahanap lang ng mapagsusumbungan at mapagbabalingan ng init ng ulo kaya sila nagbloblog, gaya ko, kulang na lang i-BLAG ang ulo sa pader sa sobrang kainipan. Yung iba naman nagnanais kumita sa pagba-blog, may ilang mga blogsites ang gumagawa nito at ang katotohanan pinagkakakitaan kayo ng mga yan! pero hindi ko na sasabihin kung paano, mga webmasters at e-marketers lang ang nakakaalam nito, meron ding mga ordinaryong bloggers at internet addicts ang nakakaalam ng prosesong ito kaya kung nakaka-relate ka, ngumiti ka na lang.

Napapansin niyo ba na kapag naglalagay ka ng bagong entry sa blog mo dumadagsa ang mga blog spam? kahit hindi naman ito akma sa mga pinagsusulat mo. bakit? dahil nga kung hindi ka boplaks sa ganitong uri ng negosyo, maiintindihan mo, pero kung hindi mo talaga alam malamang iba ang linya ng pinag-aralan mo. Internet marketing ang tawag dun.

Eh paano kung makakuha ka ng comment na akma naman sa article mo? at pinoy din ang gumawa, pero sa sobrang haba hindi mo na mabasa, sa palagay mo comment pa din yun? o spam? ay ewan ko ba.

Pero thank you pa din sa nag-post ng comment na yun, pinagtyagaan ko naman basahin eh kaya wag kang mag-alala. Di ko lang talaga maisip kung spam din ba matatawag yun.

Note from the writer:
Magulo po ang article na ito. Kung hindi ko man nasagot ang tanong ko sa title, pasensya na. hindi ko talaga alam ang sagot dahil kahit ako naguguluhan sa tanong na yan.

Finding Fortune

in a cookie?
Hmn.. interesting. Napabili tuloy ako, sa halagang limang piso pwede mong makita mo ang swerte mo sa loob ng tinapay kesa nga naman pumunta ka pa ng quiapo o hagilapin si madam auring para magpahula, sa ministop mabibili na ang swerti. Excited akong makita kung ano ang laman ng fortune cookie na ito, makakahanap ba ako ng mas magandang trabaho? magkakaroon ba ako ng negosyo? mananalo ba ako sa lotto? kikita ba ako ng malaki sa google? may traydor ba akong kaibigan? natural, hindi yan mahuhulaan ng panadero ng gold coin cookie. Ano kaya kung sa pagbukas ko ng cookie na ito ang mababasa ko ay "You are so lucky today because you are eating the best-tasting cookie in the whole wide world!", ayus dinaig ang chips ahoy sa caption. Bago ko kagatin ang cookie para masilayan ko na ang swerte ko ngayong araw na ito, naisip kong piktyuran muna para mailagay dito sa blog, at ayan nga. Masarap yung cookie, barquillos pala ito na nilapirot at hindi pahaba, ayan! hawak ko na ang aking swerti.

Do not fret. The future brings endless possibilities.

Oo nga, posibleng after nito ayoko na bumili ng fortune cookies.

Dakilang Pirata

Maraming mga naglalabasang bago at magagandang release sa OPM ngayon, kung matatandaan niyo ilang taon ding namayani ang banyagang kanta sa mga airwaves dito sa pinas. Kahit nga si william hung ay minsan ding naging bulung-bulungan kahit pa siya ay reject lamang ng reality show na American Idol, idagdag mo pa si beyonce na naging independent woman matapos sumikat sa grupong destiny's child, si justin timberlake ng boyband na nsync ba yun?, si ricky martin ng menudo (hehe), si michael jackson ng jackson 5, at marami pang iba na sumikat ng sila'y tumiwalag sa kanilang grupo at meron din namang nilangaw ang mga album. May local version din tayo ng ganyang isyu, mga hiwalayang pinoy pero iitsapwera muna natin ang mga hiwalayang showbiz, magfocus tayo ngayon sa Orihinal na Musikang Pinoy. Andyan si Bamboo na dati ay nasa bandang Rivermaya at ngayon ay may sarili ng banda, si Ely Buendia ng Eraserheads na naging ka-Monggols at ngayon naman ay ka-Pupil na, si Barbie Almabis na nag-solo mula sa bandang Hungry Young Poets at Barbie's Cradle, si Kitchie Nadal na mula sa bandang mojofly, si Aiza Seguerra mula sa Eat Bulaga na naging tomboy. Gaya din yan ng paborito nating channel sa local TV, may kapuso na nagiging kapamilya at viceversa o kaya naman ay ka-oposisyon na nagiging ka-administrasyon na nagiging ka-greenwich. tininininini-nini.... bilog ang mundo! (commercial ng ginebra san miguel)

Hindi lang naman pinoy ang mahilig gumawa ng remake o kaya naman version nila ng mga sikat na kanta, kilala ito sa tawag na revival hits. si Madonna ba ang unang kumanta ng "American Pie"? si Buble ba ang unang kumanta ng "Quando, quando, quando"? si Josh Groban lang ba ang kumanta ng "Broken vow"? Nagtataka lang ako kung bakit kapag pinoy ang nagsimulang mag-revive parang gloria-gate scandal ang dating, uy! ayos pinoy version din yan.

Kung may switching, meron ding stealing (sabi nila yan, hindi ako kasi baka mapahamak na naman ako e). Gawin nating basehan ang kanta ng mga maituturing nating nag-angat ng OPM music lalo na sa kategoryang banda. Mula sa impluwensiya ng mga orihinal na bandang Juan dela Cruz band, Hotdog, Sampaguita, Asin, Mike Hanopol at marami pang ibang orihinal na pinoy rockstars nabuo ang mga 90's band na Eraserheads, Rivermaya, Agaw-Agimat, Introvoys, Yano, Wolfgang, Siakol, Datu's Tribe, Grin Department, The Youth, True Faith, South Border, Parokya ni Edgar etc. ang ilan sa kanila ay disbanded na o kaya nagtayo ng kanya-kanyang grupo. Ngayon tatanungin kita, kilala mo ba lahat ng nabanggit ko? kung kilala mo sila magbanggit ka nga ng kahit tig-dadalawang orihinal nilang kanta? magaling ka kung hindi mo ginamit ang google o yahoo search. Ano nga ba ang basehan ng pagnanakaw? ito yung pagkuha ng hindi sa iyo, paano kung hiniram mo lang? pagnanakaw din ba iyon? Kung halimbawang ang paborito mong pambansang awit ay nilagyan ni Gloc 9 ng linyang "Pilipinas, Yo!" kasunod ng Bayang Magiliw, bagong komposisyon ba ito at hindi masasabing "hoy! ninakaw mo lang yan! kay.... sino nga ang nagcompose ng bayang magiliw?!" syunga! Perlas ng Silanganan ang title niyan. huh?

Nung ni-revive ba ni Sharon Cuneta ang mga kanta ni Rey Valera nagreklamo ba ang sambayanang Pilipino? Nang ginawan ba ng tagalog version ang kantang Superwoman (?), pinagtalunan ba ninyo ang pagkalat ng kantang "Hindi ako si Darna"? Nang isinalin ba sa iba't ibang wika ang kantang "Anak" ni Freddie Aguilar may nagprotesta ba na pinoy? hindi ba ikinatuwa din natin ito? Nang gawing rap at isinama sa kantang "The APL song" ng Black Eyed Peas ang original na kantang "Balita" ng Asin di ba naki-listen up, y'all! din tayo?

Naging utak-poreyner din ako pagdating sa mga hilig na musika, hindi ko na iisa-isahin pa dahil sobrang dami akong gustong foreign artist huwag mo lang isama ang mga tanyag na boybands, si britney spears at si william hung. Pero isa ako sa mga nagulat nang magdagsaan ang mga bagong bandang parang kabuteng nagsulputan, andyan ang Hale, Cueshe, Session Road, Sugarfree, Mayonaise, Orange n Lemons etc. ulet. Malaki ang naitulong nila para maiangat ang OPM, pero maraming haka-haka at bulung-bulungan na hindi naman ito dapat tawaging ORIGINAL dahil hango lamang ang mga kanta nila sa mga kantang-kano.

Pagkumparahin ang mga kanta at tono ng mga Pinoy at Foreign Hits na ito:

1."Stay" ng Cueshe at "Greatest View" ng Silverchair

2."Leaving You" ng Session Road at "Garzambodia" ng Superdrag

3. "Pinoy Ako" ng Orange and Lemons at "The Care" ng Chandeliers

Kayo na ang bahalang humusga kung dakila nga bang pirata ang pinoy.

Hanggang ngayon naglalaro pa rin sa isip ko ang mga tanong na ito:

Kung dakila ang pinoy sa pamimirata dapat ba siyang pagkalooban ng award?

Pilipino ba ang namamahala sa china, dahil sa pagkakaalam ko doon nanggagaling ang mga nagkalat na dvd, vcd at cd na peke?

Sa hongkong, pinoy din kaya ang nakaimbento ng pekeng gucci at louis vuitton?

Pinoy ba si captain hook?

Ibang-iba ang Pinoy...

Wag kang matatakot...

Ipagmalaki mo...

Pinoy ako!

Pinoy tayo!

Fan-bihira

Naranasan mo na bang makipagpatintero sa mga katulad mo ding adik sa celebrity? Yung tipong kaya mong makipagbakbakan kapag nasingitan ka sa pila ng nagpapa-autograph sa Idol mo? Yung tipong kapag siniraan ang peborit mo ay pakikitaan mo ng pruweba na mali ang iniisip nila at daig mo pa ang stage mother at manager sa pagtatanggol sa idol mo?

Humahanga din ako, local man o foreigner, singer man o artista, bida o kontrabida, director o stuntman basta magaling. Minsan nakakainis din maging tagahanga, o tangahanga. sa libo-libo nilang tagahanga sa palagay mo natatandaan ka pa niya? malamang hindi na, lalo pa kung isa ka lang ordinaryong magtitinapa o kaya ay dispatcher ng jeep, kung sa harap ng camera malamang hahalikan ka pa, may camera eh. Ikaw sino ba ang idolo mo? sikat ba siya? naalala ko tuloy nang minsang napadaan ako sa tiangge sa greenhills, nakasalubong ako ng celeb.. tawagin natin siyang si pearly (karakter niya sa teleserye), in fairness parang siya lang ang tao sa daan, walang lingon sa kanan o kaliwa, parang kabayo diretso ang tingin, oo nga naman celebrity siya eh dun malalaman kung sikat ka kasi kung hindi ka nabangga ibig sabihin nakilala ka at sila mismo ang humawi sa dadaanan mo. Paano pa kaya ang ilang sikat na artista? kulang na lang pagsamba at gawin silang diyos mo.

Hindi mo rin naman masisisi ang mga sikat na taong ito, hindi naman nila kasalanan ang maging talentado. Ang naging kasalanan lang nila lumalaki ang ulo nila, o wag ka na mag-react, alam ko hindi naman lahat. Sino nga ba ang ugat ng paglaki ng ulo ni betty boop? wala lang gusto ko lang itanong.

Siguro mga tangahanga din ang naglalagay ng ipot sa ulo ng mga batikan nating artista at singers. Sila ang nagsisiksik ng ideya na sikat na ang idolo nila at kasabay noon ang pagtatayo ng fans club, sino nga ba ang nagsimulang magtayo ng fans club dito sa Pilipinas? Mga Noranians o Vilmanians? dati ang naglalaban-laban ang mga tagahanga sa magkaibang panig katulad nga ng vilmanians vs noranians pero ngayon bumabaliktad na co-fan vs co-fan na, pasikatan na sa kapwa tangahanga, kung ikaw ang beteranong tagahanga at nakakabeso-beso mo ang iyong idolo, at 24/7 kayong pwedeng magchikahan sa text, ang kasikatan mo sa mga ordinaryong miyembro parang singtaas ng pagtingin nila sa pareho ninyong hinahangaan ang kaibahan lang hindi ka sikat sa telebisyon o sa radyo, pero at least sikat ka sa kapwa mo tangahanga.

Ngayong dumadami na ang bilang nating mga tangahanga, bakit parang hindi ka masaya sir? Gusto mo bang ikaw lang ang humanga? ikaw lang ang pwedeng kumurot sa pisngi ng idolo natin? Gusto mo bang ikaw lang ang pinipirmahan sa noo ng idolo natin? Ikaw lang ang laman ng lahat ng lakad ng fans club?

Anak ni Baby powder... magtayo ka ng soloist fan club.

(draft-unedited, hindi ko pa na proof-read)